الشارع الثائر في مواجهة السلطة.. ويلكم من «الغضب الشعبي»

19

يواجه لبنان الإنهيار الكبير اقتصادياً بسبب الفساد،الدين العام يبلغ 86 مليار دولار،وأكثر من 60 شركة تقدمت في خلال أسبوع بطلب صرف جماعي، وتخطى معدل البطالة الثلاثين في المئة، وأكثر من ثلث اللبنانيين يعيشون تحت خط الفقر،والآلاف تم الاقتطاع من رواتبهم،أو مهددين بين يوم وآخر بخسارة وظائفهم، وبالمقابل الثورة مستمرة منذ 17 تشرين الأول الماضي، ولا أحد يصغي أو يشعر بمعاناة الشعب. ماذا يقول المشاهير عن الأوضاع المتأزمة على كل الصعد؟
عايدة صبرا
يا ويلكم من «الغضب الشعبي» عم يتدحرج متل كرة الثلج، مع كل حالة انتحار،مع كل طرد من وظيفة، مع كل طلعة بالأسعار،مع كل شح في الموارد، مع كل شح في المصاري، مع كل غصة، مع كل دمعة، مع كل قهر.
بديع أبو شقرا
‫قال ما تشتموا عيب، بس إستخراء الشعب من قبل السلطة مش عيب. ‬قال ما تسكّروا طرقات بتقطعوا برزق العالم، واللي عم تعمله السلطة قطع أعناق مش أرزاق. هيدي قصّة سلميّة إبقوا سلّمولي عليها.
بلال الزين
إبتدت ثورتي سنة 2006 بأغنية «لبنان الحلو» ،ثم أعلنت هزيمتي سنة 2018 بأغنية «كان عندي حلم». كم يحزنني أن أكون اليوم مجرّد مشاهد لثورة الشعب من بلاد الإغتراب.
ميكايلا
لو الثورة ممولة من «السفارات»، ما كانوا رجالنا عم ينتحروا، ونسوانا عم ببيعوا كلاويهن ليطعموا ولادن، والسرقات آكلة الدني، لازم نداري بعض، ونطعمي بعض، وندفي بعض، لنصمد.
كميل متى
الثورة بلبنان ما فيها تكون متل أوكرانيا لأن ما في ثورة بلبنان في تبعية، الناس كلها موجوعة وصار لها سنين وسنين وما تحركت، والدولة غايبة ،ومين الدولة؟ الدولة بعد الطائف مؤلفة من مجرمي حرب، قطاع طرق، ميليشيات بثياب الدولة، الثورة لازم تكون قضائية، والقضاة النزهاء يستلموا البلد مش العسكر، بس تشوف ناس عم بطالب زعيم طايفتها من أين لك هذا، وعم تقتحم أملاكه، وتجبره على رد المصريات، ساعتها في أمل بمحاكمة الفاسدين. اللي عم بصير هو انقلاب أو محاولة كسر وعزل فريق من اللبنانيين، وما تعلموا جماعة المليشيا إنو بلبنان ما فيك تربح، ولا فيك تعزل حدا في جولات مش أكتر. شو بدك تقول إذا ربينا على كل شي إلا على الوطنية، وأي وطنية إذا كانت فكرة الوطن مختلفة متناقضة بين كل فئات المجتمع. بس يصير عنا نظام مدني، وزواج مدني إجباري، ساعتها بيصير في شي إسمه لبنان، غير هيك كلنا طائفيون.
إيلي أيوب
بينزل الشتا بتروح الكهربا، بيطلع الهوا بيروح الستالايت، بترعد الدنيا بيروح الأنترنت، تقولوا هالبلد ملزق بشرطيطون.
نجوى قاسم
فليسامحنا الله أننا صدقناهم أن الحرب انتهت، الحرب لم تنتهِ، فقط توقفوا عن قتال بعضهم، ومفاوضة بعضهم بالسلاح، لكن أكملوا تقاسم لحمنا طوال الوقت بعدها.
مروان حداد
لا أعتقد أن الساعة دُقّت كي نخرج من هذا النفق، نحتاج إلى أسبوع آخر ليُبنى على الشيء مقتضاه، الله يكون بعون اللبنانيين، ويخرجنا من هالمحنة بأسرع وقت.
نعيم حلاوي
إن السفارة الوحيدة التي خلف الثورة، هي السلطة ذاتها بأفعالها.
جان ماري رياشي
ولا مرة بحياتي اتكلت على دولتي تساعدني أو تدعمني بشغلي، بس إنو يجي نهار أخسر كل شي عملتو من ورا دولتي، هيدا شي ما راح نسامح عليه، لا أنا ولا أولادي. استحوا بقا وصارحوا الناس بالحقيقة، نجحنا بلاكن، شيلوا عنا بلاكم.
ماغي بوغصن
شو المانع المسؤولين أصحاب أرقام الأموال الطائلة، ما بيفكروا بإنشاء معامل بلبنان بتاَمن عمل لمئات ألوف العيل. بتبقى أموالكن موجودة وبتزيد. الشباب المثقفة بتطرح الأفكار وانتو بتمولو. إلا اذا ضامنين بكرا تاخدوهن كلن معكن.

اترك رد

لن يتم نشر عنوان بريدك الإلكتروني.