بعد الإنتحار لبنان يغرق في الأمطار.. والآتي أعظم

34

حتى تسوق بلبنان، بدك رخصة سواقة وأيضاً رخصة سباحة.. مجموعة صور وفيديو للمياه وللمجاري وللسيارات العالقة في الطرقات والوحول والسيول الجارفة، وتعليقات كثيرة تم نشرها ضمن هاشتاغ «لبنان يغرق»، وقد كتب أحدهم يقول: «بعد هاشتاغ «لبنان يحترق»، و»لبنان ينتحر»، اليوم هاشتاغ «لبنان يغرق»، هول كلن بشهرين والآتي أعظم».

أمل حجازي

تم بعون الدولة المتطورة إفتتاح أنهار جارفة جديدة في عدة مناطق في لبنان، ونرى سيارات أصبحت لانشات تجري في المياه ،وأصبح لدينا في أكثر البيوت برك للسباحة، وهذا التطور لم يشهده العالم، يوم حريق ويوم غريق، العهد القوي.

عامر زيان

للأسف بدل ما نكون عم نحضر لزينة الميلاد والإحتفال فيه، شاغل بالنا مية شغلة وشغلة بهالبلد، الله يخلصنا. وين وزارة الأشغال من الطوفان يا عيب الشوم، شاطرين بس تتطلعوا بخطابات للناس وتعطوا أعذار.

نادين جابر

بيقولوا عنّا عالم ثالث؟ نحن لازم نكون عالقليلة عالم عاشر!

رولا شامية

دموع الأمهات، دموع الفقراء، دموع الجوع الي وصلنالو، بيبكي الحجر.

كارلو أيوب

ما بيكفي الإقتصاد والإنهيار والجوع والفقر والإنتحار، حتى بركة ربنا صارت لعنة بلبنان، الشتي صار نقمة صار كارثة، مش عيب؟ كان معكن كل فصل الربيع والصيف لتفتحوا المجاري والأنهار. نحن شعب مذلول.

إحسان المنذر

بكل الدني بتشتي إلا عندنا، المطر خطر.

داليدا خليل

حزينة ع بلدي،  مصايب ما بتخلص عم تركض ورا الناس بالشوارع، يعني بعد فيضانات الفساد والسرقات، اليوم لبنان وقع بكارثة جديدة، وغرقت المناطق بالمياه، كأن المصيبة قدرنا.

سعد رمضان​

بتمنى قريبا يجي اليوم اللي نصير كلنا إيد وحدة، وننزل نثور على كل شي عم يصير، بالنهاية كل المصايب اللي عم تصيب لبنان، هي عم تصيب أخواتنا الشيعة السنّة المسيحية الدروز، ما عم تصيب فئة معينة يا جماعة، ما بقى لازم نسكت، كل يوم عم نموت مية مرّة.

رابعة الزيات

سلطة فاتحة مزاريب سرقة ونهب مال عام عحالها، وفيضانات ومجارير على شعبها.

فادي شهوان

ما حصل اليوم جزء صغير من فساد تاريخي وفساد مستقبلي، أيها السياسيون أوقفوا التكاذب.

منى أبو حمزة

كفى إفتراء عالمسؤولين، ما حدا قال لهم إنه من دون إنذار، بكانون الأول كمان بتشتي.

اترك رد

لن يتم نشر عنوان بريدك الإلكتروني.