لاءات الثورة في أفق مسدود.. متى يتم الأخذ بمطالب الناس؟

53

شعار الشارع «كلن يعني كلن»، قوبل بخطابات التحدي وإدارة الظهر، تظاهرات شعبية مستمرة منذ 17 تشرين الأول، حروب إستنزاف متعمّدة للمواطن، إنذارات بالإفلاس، قيود مصرفية على السحب بالدولار،  ومع انتشار صور لطوابير الناس أمام محطات البنزين حاملة الغالونات بسبب إضراب محطات الوقود، شعر الجميع بـ»فائض ذلّ»، وفاضت معه الكأس. وفي مقابل تجدّد المزايدات بالإصلاح،  يطغى الإنقسام السياسي على الهمّ المعيشي والإقتصادي، والسؤال: البلد إلى أفق مسدود، متى يتم الأخذ بمطالب الناس؟ عدد من الفنانين والمشاهير أيضاً في ثورة للمطالبة بإنقاذ الوضع المعيشي والإقتصادي، ماذا قالوا؟

نجوى كرم

الله يخلّص هالبلد على خير وسلام، شغلة طويلة، إن شاء الله ما تكون أكبر من قصة مظاهرات.

إليسا​

كتير مبكية المشاهد المتنقلة من العراق للبنان، لما الأحلام ببكرا أحلى تصير تخوين وعنف وقتل، رغم كل هالشي مصرين نكون عم نحلم، بيحق لنا نحلم، بيحق لنا نعيش بسلام.

يارا

يا جماعة الخير إصحوا، فيقوا، وعوا، يا ويلكم من ربّنا بس.

علي جابر

أي سياسي في منصب عام لا يفكر بالاستقالة، أو لا يقوم بمراجعة نفسه ويعتذر عن وجوده حتى الآن بمنصبه، هو يمارس عمله رغمًا عن الناس التي غمرت الساحات من النبطية إلى طرابلس لمدة أكثر من 35 يوم ومستمرون، هو بلا أخلاق ولا ضمير ولا وعي سياسي أو إجتماعي.

وسام الأمير

سُئل أحد كبار الحكماء: أي أنواع الموسيقى حرام؟ قال: صوت الملاعق في صحون الأغنياء حين ترن في آذان الفقراء، و صوت سلاسل السجناء في آذان الطغاة، وصوت رنين النقود في حسابات الفاسدين.

ماغي بو غصن

شو يعني لازم نمَوّن مواد غذائية، ونمون أدوية، ونمون بنزين، وبعدين، شو قولكن نمَوّن أوكسيجين لأن انقطع نفسنا.

ناصر فقيه

لا بنزين، لا مصاري، لا شغل، وقريبا لا دوا ولا هوا، وبعد في ناس بيقولولك سفارات ومؤامرة.

فادي حداد

أوسخ طبقة حاكمة عل الكرة الأرضية.

ريتا حرب

بلبنان في بترول بس بترول بالسيارات ما في، بلبنان في مي بس مي بالبيوت ما في، لبنان بلد الزراعة بس منستورد من برا، بلبنان في حكام بس قراراتن كمان من برا، كل العالم فيه أزمات بس قد لبنان ما فيه.

نوال بري

محطات البنزين ناقصهن fast cash هالجمعة، فقرروا يرهبوا المواطنين إنهن بإضراب مفتوح، لحتى نركض كلنا نعبي، ليكمل مشهد الحرب يلي إلنا كم يوم عايشينو، أول ناس لازم يسقطوا هني مافيا استيراد النفط ومحطات البنزين النصابين، ويلي فلتانين عذوقكن وما في مين يحاسبهن.

جيري غزال​

الله يبهدلكن متل ما عم بتبهدلونا، العالم رح تبلّش تجوع، وهيدي هينة، بس بكرا إذا جاعوا ولادن، العالم قادرة تقتل وتاكل بعضا، وعوا من غيبوبتكن بقا، إنتو يللي حاكمين بمزبلة التاريخ، إنتو يللي لمّا نخبّر ولادنا بكرا عنكن، رح تكونو الصفحة الأبشع بتاريخن، يا عيب الشوم عليكن، بس إنتو مش خايفين ع حالكن، لأنكن ضامنين لحم أكتافنا.

نزار فرنسيس​

نحن من هم فوق الخمسين لا نعرف شيئاً عن التكنولوجيا، ونحن فاسدون أساساً، وننزل مع أبنائنا ونفسد ثورتهم، دعوا الشباب يتظاهرون للمطالبة بحقوقهم فلديهم رؤيا، هم أحبوا أن يجمعوا ويغيروا من دون سلاح من دون خراب بيوت، فنزلنا نحن ووسخنا وأفسدنا لهم ثورتهم وخربنا بيتهم، ثم أخذناهن إلى مطارح لا تشبههم، جربنا نستغل بأحزابنا وطوائفنا ثورتهم، وعندما كنا شباباً، حاولنا أن نغير لم نجد غير البارودة وفشلنا، اتركوا الجيل الجديد يغير لا تحزبوه وتوسخوه، نحن جيل الأهل فاسد، والأولاد يجب أن يثورا على فساد أهلهم حتى يستطيعوا أن يغيروا.

اترك رد

لن يتم نشر عنوان بريدك الإلكتروني.