مواقف الفنانين من استقالة رئيس الحكومة الشيخ سعد الحريري: طلع الوحيد اللي بيحب بلدو وسيعود منقذاً

42

تعليقاً على استقالة رئيس الحكومة الشيخ سعد الحريري من منصبه في اليوم الـ13 على انطلاق الثورة الشعبية، عبّر عدد من الفنانين والمشاهير على مواقع التواصل الإجتماعي عن آرائهم ومواقفهم من هذه الإستقالة ومن أزمات البلد، وقال الرئيس الحريري للصحافيين في بيت الوسط في التعليق الأوّل له بعد الإستقالة التي ركّز فيها على تقديم مصلحة لبنان وأمنه على أي شيء آخر: “نأمل أن نخرج من هذا المأزق، وأنا مرتاح لأنني قدمت شيئاً للشعب اللبناني”.

يوسف الخال

سعد الحريري إستقال رئيساً، لكنه سيعود منقذاً..

نجوى كرم

أحلى كلمة سمعتا: “ما حدا أكبر من بلدو”!

نوال الزغبي

مهما اختلفت سياساتنا واختلفت آراؤنا دعاؤنا واحد: الله يحمي لبنان.

إليسا

طلع الوحيد للي بحب بلدو عكس كل الفاسدين للي ملزقين عل الكراسي من سنين وما زالوا. ما حدا أكبر من بلده، الرئيس الحريري استقال وأكد إنه بده يسمع لشعبه، شكرا لأنك سمعت صوت الشعب، بوقت كتار فرجونا إنو ما بيهمن هل البلد، الله معك.

ماغي بو غصن

يا رب تكون كل خطوة لمصلحة لبنان وشعبه.

رامي عياش

دعائي أن يعم السلام في الجبل وبيروت والشمال والجنوب، والناس ترتاح، والسلطة تحس بالناس، وياخد اللبناني الحق اللي بيستاهلو من تقدير ومحبة وإحترام ورزق، ما بدنا أكتر من هيك.

سيرين عبد النور

المناصب بتروح وبتجي المهم كرامة وسلامة البلد، ما في حداً اكبر من بلدو الله يحمي لبنان.

يوري مرقدي

زعماء الحرب ارتكزوا على اللاوعي الجماعي لدى المواطنين أن يبقوا في الجحيم، فاض البركان وظهرت الحمم، وبات للمواطن وعي كافٍ. هنيئاً للبنان.

نيكول سابا

أغرب إحساس  بالدّني، لما تحسّ إنك بدّك تضحك وتبكي بنفس الوقت، يا ضيعانك يا لبنان شو عملوا فيك كِلّن.

داليدا خليل

لبنان الحلو ما ممكن يموت، بعز الحرب كنا نضحك كرمال ما يفارقنا، وكانت الإرادة قوة رغم كل شي مرقنا فيه، وإنشاء الله ما بقى يكون في غيوم مخيفة فوق بيوتنا بالأيام الجاية.

د. نادين الأسعد

شعبي، اللبنانيي، هني شعب لبنان العظيم، الكبير، والقوي وهلق بلشت الثورة..

طوني عيسى

بوطنّا الناس حقوقا مطويّة،الدمعة ملوى العين والبسمة منسيّة، والله تعبنا وبدنا نعيش تركونا نعيش بحريّة.

نزار فرانسيس

بين الدولة المش عم تسمَع، صوت الجوع بْثورِة شعب، والثورة الصارت عم تقطَع، وتْسَكِّر ع الناس الدرب، ضاع الحق وْمش رح يرجَع، ما عاد في غيرك يا رب، يْخلّصنا وْفينا يتطلَّع، ويغَيِّر هالوضع الصعب.

علاء زلزلي

كلنا مع صوت الناس الموجوع المقهور المسروق، بس ما تخلوا المطالب المحقة ونزولنا للشارع يسرقوها ويجيروها لغير حسابات.

اترك رد

لن يتم نشر عنوان بريدك الإلكتروني.